जन्म र मृत्यु मात्र एक सत्य हो,
यात्रा त केवल माध्यम हो ।
किन गर्छौ घमण्ड, ए मानव,
अन्तिम गन्तव्य नै घाट हो ।
मर्नु त छँदै छ, यो अटल नियम,
किन बढाउँछौ अहंकारको व्यर्थ भ्रम?
तिम्रा महल, तिम्रा धनका पहाड,
संगै लान सक्नेछौ के छ, कुनै प्रमाण?
एक दिन माटोमै बिलाउनुछ,
नाम र निशान बिलाउनुछ ।
किन खडा गर्छौ घमण्डका पर्खाल,
जब समयले सबै मेटाउनेछ ।
जीवन त पवित्र अवसर हो,
सिर्जनाको, प्रेमको, र कर्मको ।
नियति थाहा भएर पनि,
किन फस्छौ अहंकारको जालमा?
साँचो हुनु, सरल हुनु, यही धर्म हो,
त्याग्नु घमण्ड, यही हो कर्म ।
जन्म र मृत्युबीचको यो खेल,
सत्यसँग बाँच्न पाउनु यही जीवन हो ।
तपाइकाे भावना ब्यक्त गर्नुहाेस ।
