चाहन्न म बन्धनमा बाँध्न,
तिमीलाइ सिउँदोको सिन्दूरले ।
प्रेमको मापन कुनै रेखाले,
कसरी गर्न सकिन्छ भनेर बुझ्छु ।
चाहन्न म तिमीलाई कैद गर्न,
ती सात फेराका वाचाहरूले ।
प्रेम त स्वतन्त्र छ,
यसलाई सीमाको पर्खाल किन चाहियो ?
मेरो प्रेम कुनै चिह्नको मोह होइन,
न त कुनै परम्पराको बोझ ।
यो त खुला आकाश हो,
जहाँ तिमीले आफ्ना पखेटाहरू फैलाउन सक्छौ ।
यदि प्रेमले बाँध्दछ भने,
त्यो प्रेम प्रेम होइन,
त्यो त हो चाहना, अनि स्वार्थ हो ।
तर म तिमीलाई उन्मुक्त दिन चाहन्छु,
जसरी खोला बग्छ बिनाबाधा अवरोध ।
मेटिदेऊ तिम्रो त्यो सिउँदोको सिन्दूर,
भुलिदेऊ ती सात फेरा वाचाहरु ।
मेरो प्रेम तिम्रा सपनाहरूको साथी हो,
न कि ति तिम्रो बाधक बनुन ।
यदि तिमी स्वतन्त्र हौं भने,
त्यो नै हो मेरो प्रेमको पूर्णता ।
किनकि प्रेम बन्धन होइन,
यो त हो मुक्तिको परिभाषा ।
तपाइकाे भावना ब्यक्त गर्नुहाेस ।
