बुझ्न नसकिएको प्रश्नको उत्तर खोज्दै,
यो मन बेचैन हुन्छ, मौनता बोल्न थाल्छ ।
कहिले लाग्छ प्रश्नै प्रश्न छ, उत्तर कहीँ छैन,
सपना त धेरै देखिन्छ, तर बिउझँदा केही छैन ।
सागरतिर हेरु कि पहाड चढौ, अलमलमा छु,
यो बाटोमा हिंड्दा पनि हराएको जस्तो छु ।
समयको चालमा आफूलाई बगाउन खोज्छु,
तर मनको गाँठोले पछाडि तान्न थाल्छ ।
किन खोज्छु म त्यो जुन भेटिँदैन कहिल्यै,
यो मन बेचैन हुन्छ, मौनता बोल्न थाल्छ ।
बिना अर्थका संवेदना, सम्झनामा हराउँछन्,
भुल्न खोज्दा पनि पीडा अझै छोप्न आउँछन् ।
शान्ति खोज्दा, अशान्ति मात्र साथमा हुन्छ,
र यो मन बेचैन हुन्छ, मौनता बोल्न थाल्छ ।
शब्दहरूले बुझाउन नसकेका भावनाहरू,
अनुत्तरित रहन्छन् र सधैं बिझाउँछन् घाउहरू ।
उत्तर नभेटिए पनि, खोज्न रोकिँदैन यो मन,
र फेरि यो बेचैन हुन्छ, मौनता बोल्न थाल्छ ।
तपाइकाे भावना ब्यक्त गर्नुहाेस ।
