जहाँ तिमी छौ,
त्यहीँ स्पन्दित छ मेरो अस्तित्व,
तिमी बिना, यो संसार
मलिनछ, मौन छ, अनि अस्तव्यस्त छ ।
तिमीले आँखा झिम्क्याउँदा,
तारा झर्छन् मेरा सपनाबाट,
तिमीले मुस्काउँदा,
फूल फुल्छन् मेरो शिरदेखि पैतालासम्म ।
तिम्रो छालले छोएको हावाले
मेरो मनका भित्ता सजाउँछ,
तिमी छेउमै हुँदा
मेरो समयलाई अमर बनाउँछ ।
जहाँ तिमी छौ,
त्यहाँ आफ्नोपनको सुगन्ध छ,
त्यहाँ जीवनको सार छ,
त्यहाँ म छु,
र मेरो सम्पूर्ण भावना पनि ।
तिमी बिना
यो आकाश निलो छैन,
यो धर्ती भरिपूर्ण छैन,
तिमी नै छौ मेरो जीवनको गान,
मेरो प्राण, मेरो धर्म र मेरो पहिचान ।
तपाइकाे भावना ब्यक्त गर्नुहाेस ।
